امسية الثالثة البحرين شعر سالم بن جخير

اسمعوني زين ياهل الساحه الشعبيه = قبل حبك البيت والاوزان والقافيه

ما ابي صورة غلاف وقول هذا شاعر = ومابي مقدمه ولا ابي خلفيه

دام ابو سلمان راضي عن قصيدي كله = فستريحو كلكم يالبنيه التحتيه

ودامني شاعر ولي مبدا وراسي شامخ = ماعلي ان زعلو الساحه الشعبيه

حالفٍ اني ما انحني ولا وطي راسي = دام راسي يطبخ بالعزوه الياميه

والكرم حنا هله واللي يكذب قولي = لا تعنا ماله الا قول يا الله حيه

اي شيخً يقلط المفرود من رهاوه = ولا حنى ننحر المفرود مديونيه

جعل ابيه النار راسٍ ما يشوش منا = جعل فاله لسيوف وضربة الجنبيه

وجعلني ما ابكيك يا ناصر ولا ابكي خالد = يا حزام العز في وقت الرخا والهيه

انتو اخواني وانا اخيكم ليوم الدفنه = والعلاقه بينا على الوفا مبنيه

حتى فيصل لو بيطلع جيت انا في قبره = من كثر حبي لابيه ولامه المريه

جعل من لا حبكم يا عوانا الثلاثه = ينجلط ولا تجيه السكته القلبيه

من غلاكم والله اني صرت كني منكم = والغلا ما تحكمه شرها ولا جنسيه

ياهل البحرين شوفوني وطيعو شوري = غير قايدنا حمد ما نرتضي موليه

المليك اللي يحب الشعب واحد واحد = وما يفرق بين شيعيه ولا سنيه

اشهد ان له موقفٍ صارم وعقلٍ راجح = واشهد ان له نظرتن عليا وشخصيه

غير لامن جيب له طاري رددو مثلي = رددو عاش المليك وعاشت الحريه

وان سئلتوني ولائي وانتمائي من له = ماني مختار في هذي وفي هذيه

ايه انا دمي حمر ولو ماني ابحريني = غير ماني ناسي ان عروقي سعوديه

قلتها وانا بقولي والله اني صادق = والمشاعر كلها من صدق قلب ونيه

ما كتبت ابيات شعري لاجل ادور حاجه = ولا ابي منها جزا ولا ابي عطيه

والعطا شيٍ امن الله والله اللي يعطي = والقناعه كنز من ربي وانا راعيه

والله ان اموت وما نزلت نفسي حتى = لو اقص اللساني احسن لي واقص ايديه

حتى ناصر لا عطاني شيء ما خزنته = راح كله في سبيل الضيف والعانيه

واكثر الشيخان يعطي غير لامنه اعطى = وقام يحسب مدته بالفلس والروبيه

ولا ناصر لا عطى تدرون كمهو يعطي = مدته تهتز منها خزنة الماليه

وان بغيت ازعل الشيخان لاجل اعيونه = جعل يفدونه شيوخ الكوره الارضيه

مشكور